Som ein del av Markens Grøde 2019 arrangerer Lesja Historielag markvandring blant kulturminna etter gruvedrifta på Dalsida på 1840-talet. Frammøte ved Verkensstugu på Filling onsdag 24. juli kl. 12.00. Der vil vi få ei orientering om gruvene i området om malmtransporten og om knuseverket ved Filling. Etter ein kaffipause forflyttar vi oss med bil og går til fots langs kulturstigen til gruvene ved Nyseterstyggeberget.
Deltakaravgift inkl. kaffeservering kr. 50,- kontant eller med vipps.
Alle er vel møtt!
Publisert i Nyheiter
Dagens eigarar av Nygarden på Lesjaverk, Marianne og Roar Bye inviterer Lesja Historielag til å ha kveldsseto på Nygarden. Temaet for kvelden er livet på Nygarden i gamal og nyare tid. Vertskapet vil saman med Einar Morken fortelje om liv og lagnad på ein gard få av oss veit noko om.
Kaffespleis – alle er velkomne.
NB: Avkøyring til Nygarden like sør for Søre Morken. Hugs å stenge grinda!
Publisert i Nyheiter
Arbeidet med å oppgradere Verkensstugu er i gang. Det var ein stor jobb å få tømt huset for rusk og rask og å få golvet reint. Der var det tjukke lag av gamal møkk, så der måtte vi gå drastisk til veks med skraper, skulekost og vaskebøtter i fleire omgangar før vi fekk det nokonlunde rein. Men no er rommet blitt triveleg, og ventar berre på ein snikkerdugnad for å få rekonstruert hemsen der køyrekarane og knuseverksarbeidarane overnatta. Vi hadde med oss materialar til dette i dag – det er materialar som vart til overs etter innreiinga av den øvre skålen på Lorkverna. Dei var saga på dugnad på Myrvangsaga for eit par år sidan.
Opplasting av materialar på Lorkverna
Verkensstugu på Filling
Rolf Sørumgård med materialstabelen på nyvaska golv
Vi sjekkar med faglitteraturen
Hestane stod nede og karane sov på skjellen
Bord og benker for besøkande
Publisert i Nyheiter
