Lesja Historielag

Utvandrarutstillinga i Kyrkjestugu

8. desember 2025 | Ingen kommentarar

Utstillinga: DEN STORE UTFERDA er flyttbar, og vi tilbyr gratis utlån. Men som ein ser av lanseringa på utvandrarmarkeringa 27. november, er det nødvendig med nokså stor plass. Plakatane, 18 stk. er 84×84 cm og kan hengast opp etter snorer eller settast på stolar eller bord.
Utstillinga stod i Kyrkjestugu på Lesjaskog på laurdagskafe 6. desember, med ei kort innleiing.
Interessert? Kontakt oss med skjemaet nedanfor, eller e-post: post@lesjahistorielag.no

Publisert i Nyheiter

Årboka 2025

4. desember 2025 | Ingen kommentarar

vart lansert i samband med utvandrarmarkeringa 27. november.

Årets bok har eit rikt innhald, så det er berre å «løpe og kjøpe» – er å få i butikkane i Lesja.
Klikk på innhaldslista så blir ho stor nok til å lesast.

Sjå òg om årbøkene våre her.

Publisert i Nyheiter

Rapport frå utvandrarmarkeringa 27.11.2025

28. november 2025 | Ingen kommentarar

Vellykka og hyggeleg markeing av at det i år er 200 år sidan den organiserte utvandringa frå Noreg til Nord-Amerika starta. Vårt bidrag er ei kombinert plakatutstilling med 9 generelle plakatar som utforskar temaet norsk utvandring frå 1825 og fram til i dag og 9 lokale plakatar som koplar tema frå utvandringa frå Lesja i perioden frå kring 1850 og fram til i dag.

Leiar i laget, Arnfinn Kjelland, ønskte velkomen og gav ordet til:

1. Ordførarar Mariann Skotte, som understrekte kor viktig det er å markere denne rørsla og kor stor betydning ho har hatt for Lesjasamfunnet. Ho takka og historielaget for tiltaket.

2. Etter første musikkinnslag gjekk så Arnfinn gjennom dei utstilte plakatane, men vekt på det vi har lagt inn i våre eigne.

3. Deretter introduserte leiar i skriftnemnda, Oddvar Romundset, årets årbok, der det òg er mange artiklar som tek for seg emigrasjonstemaet.

4. Og så var det sjølvsagt servering, bokprat og inspeksjon av plakatane!