Nestor i Lesja Historielag, Odd Reidar Hole er tildelt Kongens fortenestemedalje for sin aktive samfunnsinnsats, ikkje minst gjennom historielaget. Saman med familie, venner, ordføraren og styret i historielaget mottok Odd Reidar medaljen frå kongens sendebod, fylkesmann Kristin Hille Valla under ei tilstelling på Tunstugu på Lesja den 23. april. Fylkesmannen gjekk gjennom grunngjevinga for tildelinga og nemnde m.a. Lorkverna, Lesja Bygdetun, registreringsarbeid, artiklar i Årbok for Lesja Historielag m.v. Ordførar Steinar Tronhus gratulerte på vegne av kommunen og bygdafolket og framheva betydninga av Odd Reidar sin innsats i kommunestyret, landbruksnemnda, prestegardstilsynet, soknerådet og historielaget, og at det som står att etter han der, har stor betydning for Lesja kommune . Frå historielaget helsa Tor Einbu og Oddvar Romundset. Dei framheva Odd Reidar sine evner som miljøskapar i tillegg til den store arbeidsinnsatsen han har lagt ned for historielaget. Berit Meiningen helsa frå eigarstiftinga for Lesja Bygdemuseum og frå Kyrkjeleg råd og påpeika Odd Reidar sin store innsats med bygningane ved bygdetunet og kyrkja, og for aktivitetene i tilknytning til desse sentrale institusjonane i Lesja.

Fylkesmann Kristin Hille Valla deler ut Kongens fortenestemedalje til Odd Reidar Hole

Hugs årsmøtet på Lesja Biliotek torsdag 6. mars kl. 19.00! Årsmelding, regnskap og valg. Det blir loddsal og elevane i 9. klasse vil syte for serveringa. Etterpå vil Berit Meiningen fortelje om planane for pilgrimsvegar gjennom Lesja. Kanskje vil alle pilgrimane passere over brua ved Lorkverna!

Dette dokumentet vart underteikna av elleve lesjingar og  to dovringar i Lesja kyrkje søndag 4. mars 1814. Her forplikta dei folket i bygdene våre til «at hævde Norges Selvstændighed, og at vove Liv og Blod for det ælskede Fædreneland». Samstundes valde dei bonden Pål Tofte og lensmann Hans Lemmich Juell til å vere med på å velje utsendingar til riksforsamlinga på Eidsvoll.

Førstkomande messesøndag, den 2. mars 2014 kl. 11.00 vil historielaget i samarbeid med kyrkja  markere 200-årsdagen for denne hendinga. Møt fram så får du vite meir om denne hendinga og om dei som fronta saka i gamle Lesja prestegjeld som den gongen omfatta både Lesja, Dovre og Øvre Folldalen.