Kakejerndag på Lesja bygdemuseum laurdag 8. juli frå kl. 10.00.

Lesja Historielag har som kjent gjeve ut bok om kakejerntradisjonen i Lesja med Bjørg Nordset som forfattar. Laurdag 8. juli er det full fokus på kakejern på Lesja bygdemuseum. I andre høgda på kornmagasinet er det rigga opp ei utstilling av innlånte kakejern frå Lesja som viser breidda av kakejern frå 1600-talet til i dag. Smidde 1700-tals avlettjern er kvar for seg kunstverk som smedar har utstyrt med sentrale dekorelement i europeisk kunsthistorie. Også nyare langskafta kakejern med støypte plater, «vaffelmaskiner» og meir moderne kakejern vil vera utstilt.

 

 

I alle hus vil det foregå steiking av ulike «jernkaker» som avlettar, skruller, goro, oog vaflar. Det blir også steikt skrivabrød på ondbekste frå avlettjerna på gamal og ny måte! Av «jernbaksten» vil det meste blir steikt på moderne jern, men i Bellestugu vil tidlegare stortingsmann Lars Velsand demonstrere avlettsteiking på gamlemåten i peisen. Han vil kåsere med utgangspunkt i sine erfaringar med kakejern, og Bjørg Nordset vil halde «historietime» med utgangspunkt i boka si om kakejern. Jernbakst av alle slag vil vera å få kjøpt på bygdetunet denne dagen, og eit par smedar vil arbeide med smiing av kakejern.

Lars Velsand steiker avlettar heime på garden sin på Hadeland

 

2 kommentarar to “Kakejerndag på Lesja bygdemuseum laurdag 8. juli frå kl. 10.00.”

  1. Hei Jeg var for første gang på besøk på Avdem og i Avdemsbui fant jeg den fine boken om Kakejern.
    Jeg er ystere og lager Pultost og rømme i Åsbygda mellom Hønefoss og Jevnaker. Det hender at jeg ikke får solgt all rømme og da steiker jeg Jønnbrød etter oppskrift fra Bjørg Karin Hagen på Fjellsetra ved Synnfjellet ovenfor Nord-Torpa. Oppskriften er rømme,vann og hvetemel. Steiker på elektriske jern med Østerdalsmønster.
    Jeg lurer på om dere kan hjelpe meg med adresser til noen smeder som smir kakejern. Hadde vært artig å ha et spesielt for ysteri PULTOSTKOPPEN.
    Vennlig hilsen
    ysteri PULTOSTKOPPEN
    Barbro Lennstrøm
    Vesetrudgata 2
    3520 Jevnaker
    epost: post@pultostkoppen.no
    mob: 912 44 398
    orgnr: 913840283

Skriv ein kommentar til Barbro Lennstrøm