Dugnad på Verkensstugu
Arbeidet med å oppgradere Verkensstugu er i gang. Det var ein stor jobb å få tømt huset for rusk og rask og å få golvet reint. Der var det tjukke lag av gamal møkk, så der måtte vi gå drastisk til veks med skraper, skulekost og vaskebøtter i fleire omgangar før vi fekk det nokonlunde rein. Men no er rommet blitt triveleg, og ventar berre på ein snikkerdugnad for å få rekonstruert hemsen der køyrekarane og knuseverksarbeidarane overnatta. Vi hadde med oss materialar til dette i dag – det er materialar som vart til overs etter innreiinga av den øvre skålen på Lorkverna. Dei var saga på dugnad på Myrvangsaga for eit par år sidan.
Opplasting av materialar på Lorkverna
Rolf Sørumgård med materialstabelen på nyvaska golv
Vi sjekkar med faglitteraturen
Hestane stod nede og karane sov på skjellen
